အလိမ်ခံနိန်ရရေ

တိုင်းပြည်တပြည်ကို လိမ်ပနာ အုပ်ချုပ်တေ ဆိုစွာ လွယ်စွာမဟုတ်ပါနှင်း၊ကျတော်ရို့ တိုင်းပြည်ကို ကြည့်ပါ ဇာသူက လိမ်ပနာ ကျွန်ပြုထားပါရေ လည်း၊ဇာသူရို့ ကား အလိမ်ခံနိန်ရ ပါလည်း။အမှန် ပြောရ ကေ ဗမာ ဆိုရေ လူမျိုးက လူမျိုးကြီး ဆိုပနာ လူမျိုးချေ တိကို လိမ်ချင်ပိုင် လိမ် နိန်ပါရေ၊နိပ်စက်ချင်ပိုင် နိနပ်စက်ခံ နိန်ရပါရေ။ေ

ဝမ်းနည်းမိရေ အဖ ပြည်သို့

ရိုးမ ကာရံ ပင်လယ်ဝိုင်းထား
လှပရှုးခင်း မိမရအောင်
တင့်တယ်နိန်ရေ ငါရို့ရခိုင်ပြည်
လယ်မြေ၊ကိုင်းကျွန်း ပေါများနိန်လို့
ဆန်ရီးစပါး စားလို့မကုန်
ပေါလျှံနိန်ရေ ငါရို့ ရခိုင်ပြည်
သံယာဉ်ဇာတ ပေါ ကြွေဝလို့
ရောင်းလို့မကုန် ထွက်နိန်ပါရေ
ငါရို့ရခိုင်ပြည်......
ကို့မင်းကို့ချင်း အုပ်ချုပ်ပနာ
နိုင်ငံရပ်ခြား ကုန်သွယ်လုပ်ငန်း
ဖွံဖြိုးတိုးတက် အံ့ဖွေကောင်းအောင်
လှပတင့်တယ် ခံ့နားခရေ
သမိုင်းသက်သေ ဟိ့နိန်ပါရေ
အော် အဖရွှေရခိုင်ပြည်......

အရှူးချေ တယောက်

လူဆိုစွာ မျော်လင့်ခြင်းနန့် အသက်ရင် နိန်ရေလူသားတိ လို့ဆိုကေ မှားပါ။တိုင်ပြည်လိုက် လူမျိုးလိုက် လူတဦးတယောက်ချင် အားလုံး နေရာ အားလုံးစွာမှာ မျော်လင့်ချက်ချေ နန့် လုပ် နိန် ကတ်စွာပါ မလား။ယင်းအထဲမှာ ကျနော်ရို့ တိုင်ပြည်နန့် ကျနော်ရို့ မျော်လင့်ချက် ကားဇာပါလည်း။ကျနော်ရို့ ဘဝ ကားဇာဘဝပါလည်း။ကျနော်ရို့ အဖိုး အဖီး အစိုင် အဆက် နိန်ထိုင်လာရေ ကျနော်ရို့ ပြည်ကား ဇာပိုင်မျော်လင့်ချက်ထားကတ်ပါဖို့လည်း။တိုင်းပြည် လက်ခဏာနန့် ညီညွတ်အောင် တိုင်ပြည် မှာဟိ့ရေ ရာသီဥတု သဘာဝ သံယာဉ်ဇာတ နန့်တိုင်ပြည် ကို အုပ်ချုပ် ခရေ မင်းအဆက်ဆက်က သူ့စွာနန့်သူတာဝန် ကျီလားပြီးယာ။အဂု တိုင်ပြည်မှာနိန်ထိုင်ရေ လူတိ ကရာ တိုင်ပြည် နန့်ကိုယ်လူမျိုးအပေါ် မှာတာဝန် မကျီစွာပါ။ကျနော်ရို့မှာလယ်ယာမြီးအများကြီးဟိ့ရေ၊စပါးဆန်ရီး အများကြီးထွက်တေ စားလို့ တောင်မကုန် ပါ။ယကေလေ့ တိုင်ပြည်မှာနိန်ထိုင်ရေ လူတိ ထမင်းငတ်နိန်ရေ။

မိ့လို့မရ အော်ဘဝ

ကျနော် မှတ်မိပါသိမ့်ရေ မက်ကလာချေကို ဆောင်းပနာ မိုးကာဖေ့ချေရုံလို့ ဘိတ်ချေ တပျောင်းပျောင်းနန့် ပလစတိတ် အိပ်ကို လွယ်အိတ်လုပ်ပနာ ၅နှစ် သားလောက်က ပင် စာချေ ပီချေသင်ချင်လို့ အခေါင်ကမိုးမလုံ့််ထရံကမရှိ မိုးရေ စစိုနန့် ကျောင်းအောက်မှာစာသင်ခရစွာ ကောင်းကောင်းပျော် ဖို့ကောင်း ပါရေ။ တခါတရီ မိုးကြီးလို့ စာမသင်ဖြစ်ခရေ နိန့်တိဆိုကေ အိမ်မှာ တယောက်တည်း ပျင်းဖို့ကောင်းရေ ၊အမိက လည်း လယ်ပြင်မှာမြက်ချီနင်း၊အဖကလည်း လယ်စထွန်ရေဆိုစွာ နန့်လယ်ထဲမှာ တဲဆောက်ပနာအိမ်ကိုမလာဘဲ တမိုးလုံးကို လယ်ထဲမှာလုပ်နိန်ရပါရေ။
ညစာဖတ်စာဖတ်ယာတိုင်ကေ မြန်မာဆိုကေတော့ပြသနာဟိ့ပါ၊အင်္ဂလိပ်စာ ရာဖတ်ရကေ ခွီးကို ကြောင်းဖတ် ကြောင်းကို နွားလို့ဖတ်နိန်ကေလည်းမှားရေ ပြောဖို့လူတယောက်လည်းမရှိ ခပါ။ယင်းပိုင် ကျောင်းတတ်ယင်းနန့် ၄တန်းအောင်ရေ၊၅တန်းကိုရောက်တတ်ရဖို့။ရွာမှာက မူလတန်းကျောင်းဖြစ်လို့ ၄တန်းအဆီရာ သင်ရပါရေ။ကျနော့ရို့ရွာ နန့်၂မိုင်ကျော်လောက် ဝီးရေ အလယ်တန်းကျောင်းဟိ့ရေ နောက်တရွာကို လားတတ်ဖို့ကျပါရေ။
အသက်ကလည်း၁၀နှစ်လောက် လွယ်အိတ်ကို ထမ်းလို့မပါ တပါနန့် အလယ်တန်းပညာသင်ချင်လို့ မိုးသောက် ၇ နာရီခွဲလောက်ကပင် ညဇာက ကျန်ရေ ဟင်းနန့် ထမင်းတလုပ်နှစ်လုပ် အယင်စားပနာ လားရပါရေ။ကျောင်းတတ်ဖို့လားစွာ လည်း လမ်းကမဟိ့ပါ လယ်ပြင် ကိုဖြတ်ပနာ လားရစွာ ၂မိုင်ကျော်ခရီးစွာ ၁၀နှစ်သား လွယ်အစ်ကိုမပါ တပါ နန့် ထမ်းပနာလားရရေလူ အဖို့ မလွယ်ရေ ခရီးပါ။မာမ ချေတိဆိုကေပို ဆိုးပါရေ၊တခါတရီ မျော့က ခြီထောက် ကိုကိုက်ထားယာ ကြောက်ပနာ အော်လို့ လွယ်ထားရေ လွယ်အိတ်ကို ဝေးပစ်ယာ၊စာအုပ်တိ အားလုံးစွတ်လား၊ပြီးကေ ကန်းသင်းက လာရစွာဖြစ်နန့် လယ်ပိုင်ချင် က ကန်းသင်းပျက်တေ ဆိုပနာစူးချထား ၊ယင်းစူးကို ရှောင်ပနာပထမ ဆုံးလားရေ လူခြီရာ ကို ရောက်အောင်လှမ်ပနာလားရပါရေ။ကောင်းကြမ်းတမ်ပနာကြောက်ဖို့ ကောင်းရေ ဘဝတိကို ဖြတ်လာရပါရေနှင်း။
အသက်၁၃-၁၄ကိုရောက်လာကေ ပိုဆိုးပါ ရေ၊နွားကျောင်း ယင်းနန့်ကျောင်းတတ်တေ ဘဝကို ရောက်လာပါရေ။တိုင်းပြည်က ဆင်းရဲရေ၊ယင်းအထဲမှာဆင်းရဲရေ ရွာက ဆင်းရဲရေ မိဖပါးမှာ ပေါက်ဖွားလာရေလူတိအဖို့တော့ ကျောင်းတတ်ယင်းနန့် နွားကျောင်းရရေ ဘဝက တော့မဆန်းပါ။ယင်းပိုင် ထွီးလုံးပတ်လုံးနန့် ၈တန်းအောင်းပါလတ်တေ။ယကေ တချို့ မိဖတိမှာ အာ ..ဒေလောက်ကေ ရယာငါ့သားကို လယ်ထွန်နွားကျောင်း ငါ့နန့်အတူလက်တွဲ လို့ရယာဆိုပနာ ကျောင်းဆက်မတတ်ရရေ လူတိလည်းဟိ့ပါသိမ့်ရေ။
မှားစွာတော့မဟုတ်ပါ ကိုယ့်အိမ် ထမင်းစားနန့်ကျောင်းတတ်လို့မရယာ၊၉-၁၀တန်းရောက်ကေမြို့ ချေ ပြားချေ မှ အထက်ကျောင်းဟိ့စွာပါကို။မြို့မှာ သားသမီးစာသင်ဖို့လည်းမလွယ်၊နိန်ခ ထိုင်ခ၊စားစရိတ် ကျောင်းစရိတ် အဝတ် အစားဆိုကေ မလွယ်ပါယာ။ဝမ်းစာစပါး တောင် မလုံနိုင်ဆိုကေ ပိုဆိုးပါရေ၊ကျောင်းက ထွက် မိုးရာသီ လယ်ထွန် ပျိုးစိုက်၊ဆောင်ရာသီဟင်းခင်းထွန်၊ပြီးကေ စပါးရိတ် တလင်းလယ်၊ယင်းပိုင် ယင်းနန့်ဘဝကို ရုံကန်ရပါရေ။
ကျနော် ကတော့ ယင်းအထဲမှာ ကံကောင်းရေ လူ လို့ ကိုယ့်စွာကို ပြောရဖို့ ၉-၁၀တန်း ပညာ ကို သင်ခွင့်ရခစွာ၊ယင်းချင့်လည်း ဒေပိုင်ရစွာမဟုတ် အခက် အခဲအမျိုးမျိုးကြားထဲ ကရအောင်ယူထားစွာ ယင်းအခွင်းအရေးကို။ကျတော် ရို့ ဘဝတိစွာရေ မလွယ်ပါနှင်း အခက်အခဲအမျိုးမျိုးကြားထဲက ရှင်သန်လာရေ လူတိပါနှင်း၊စဉ်းကြည့်ကေ ကြောက်ဖို့ကောင်းပါရေ၊ ရှက်ဖို့လည်းကောင်းပါရေ...........အော်ဘဝ
ကျနော်ရို့လူမျိုး၊တိုင်းပြည် ၊မြို့၊ရွာ လှပ အီးချမ်သာယာအောင် အားလုံးသူ လက်တွဲ ကြိုးစားကတ်ပါမေ။ရခိုင် ပြည်ဇာကြောင်းကျွန်ပြုခံနိန်ရရေ၊ဇာကြောင့် ဆင်းရဲမွေးတေနိန်ရေ၊ဇာကြောင့်အဖက်ဖက်က ပျက်စီးအောင်ဇာသူ ရို့လုပ်ထားရေဆိုစွာ ကိုအားလုံးသူသိပါဖို့ထင်ရေ၊..........